Shri Hanuman Chalisa Lyrics in Hindi श्री हनुमान चालीसा

0
Hanuman Chalisa

Shri Hanuman Chalisa Lyrics in Hindi श्री हनुमान चालीसा

Shri Hanuman Chalisa

॥दोहा॥

श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥

Hanuman Chalisa

॥चौपाई॥

 

१॥ जय हनुमान ज्ञान गुन सागर । जय कपीस तिहुँ लोक उजागर ॥

 २॥ राम दूत अतुलित बल धामा ।अञ्जनि-पुत्र पवनसुत नामा ॥

 ३॥ महाबीर बिक्रम बजरङ्गी ।कुमति निवार सुमति के सङ्गी ॥

४॥ कञ्चन बरन बिराज सुबेसा ।कानन कुण्डल कुञ्चित केसा ॥

 ५॥ हाथ बज्र औ ध्वजा बिराजै ।काँधे मूँज जनेउ साजै ॥

६॥ सङ्कर सुवन केसरीनन्दन ।तेज प्रताप महा जग बन्दन ॥

 ७॥ बिद्यावान गुनी अति चातुर ।राम काज करिबे को आतुर ॥

८॥ प्रभु चरित्र सुनिबे को रसिया ।राम लखन सीता मन बसिया ॥

९॥ सूक्ष्म रूप धरि सियहिं दिखावा ।बिकट रूप धरि लङ्क जरावा ॥

१०॥भीम रूप धरि असुर सँहारे ।रामचन्द्र के काज सँवारे ॥

 ११॥लाय सञ्जीवन लखन जियाये ।श्रीरघुबीर हरषि उर लाये ॥

 १२॥ रघुपति कीह्नी बहुत बड़ाई ।तुम मम प्रिय भरतहि सम भाई ॥

 १३॥सहस बदन तुह्मारो जस गावैं ।अस कहि श्रीपति कण्ठ लगावैं ॥

१४॥ सनकादिक ब्रह्मादि मुनीसा ।नारद सारद सहित अहीसा ॥

१५॥जम कुबेर दिगपाल जहाँ ते ।कबि कोबिद कहि सके कहाँ ते ॥

 १६॥ तुम उपकार सुग्रीवहिं कीह्ना ।राम मिलाय राज पद दीह्ना ॥

१७॥तुह्मरो मन्त्र बिभीषन माना ।लङ्केस्वर भए सब जग जाना ॥

१८॥ जुग सहस्र जोजन पर भानु ।लील्यो ताहि मधुर फल जानू ॥

१९॥ प्रभु मुद्रिका मेलि मुख माहीं ।जलधि लाँघि गये अचरज नाहीं ॥

 २०॥ दुर्गम काज जगत के जेते ।सुगम अनुग्रह तुह्मरे तेते ॥

 २१॥ राम दुआरे तुम रखवारे ।होत न आज्ञा बिनु पैसारे ॥

 २२॥ सब सुख लहै तुह्मारी सरना ।तुम रच्छक काहू को डर ना ॥

२३॥ आपन तेज सह्मारो आपै ।तीनों लोक हाँक तें काँपै ॥

२४॥ भूत पिसाच निकट नहिं आवै ।महाबीर जब नाम सुनावै ॥

 २५॥नासै रोग हरै सब पीरा ।जपत निरन्तर हनुमत बीरा ॥

 २६॥ सङ्कट तें हनुमान छुड़ावै ।मन क्रम बचन ध्यान जो लावै ॥

२७॥सब पर राम तपस्वी राजा ।तिन के काज सकल तुम साजा ॥

 २८॥और मनोरथ जो कोई लावै ।सोई अमित जीवन फल पावै ॥

 २९॥ चारों जुग परताप तुह्मारा ।है परसिद्ध जगत उजियारा ॥

३०॥ साधु सन्त के तुम रखवारे ।असुर निकन्दन राम दुलारे ॥

३१॥अष्टसिद्धि नौ निधि के दाता ।अस बर दीन जानकी माता ॥

३२॥ राम रसायन तुह्मरे पासा ।सदा रहो रघुपति के दासा ॥

३३॥ तुह्मरे भजन राम को पावै ।जनम जनम के दुख बिसरावै ॥

३४॥ अन्त काल रघुबर पुर जाई ।जहाँ जन्म हरिभक्त कहाई ॥

३५॥ और देवता चित्त न धरई ।हनुमत सेइ सर्ब सुख करई ॥

३६॥ सङ्कट कटै मिटै सब पीरा ।जो सुमिरै हनुमत बलबीरा ॥

३७॥ जय जय जय हनुमान गोसाईं ।कृपा करहु गुरुदेव की नाईं ॥

३८॥ जो सत बार पाठ कर कोई ।छूटहि बन्दि महा सुख होई ॥

३९॥ जो यह पढ़ै हनुमान चालीसा ।होय सिद्धि साखी गौरीसा ॥

४०॥ तुलसीदास सदा हरि चेरा ।कीजै नाथ हृदय महँ डेरा ॥

 

॥दोहा॥

पवनतनय सङ्कट हरन मङ्गल मूरति रूप ।

राम लखन सीता सहित हृदय बसहु सुर भूप ॥

 

Also Read: Hanuman Chalisa Gulshan Kumar

LEAVE A REPLY

Please enter your comment!
Please enter your name here